“နှစ်သစ်ကူးအတာရေသဘင်ပွဲတော် ”
နှစ်ပေါင်းများစွာမှ ဖြစ်တည်လာသော ငယ်စဉ်ကတည်းက တောင့်တရင်ခုန်ခဲ့ရသော မဟာသင်္ကြန်ပွဲတော်ကြီးရောက်ပေတော့မည်။ မြန်မာ့ယဉ်ကျေးမှုပွဲတော်များတွင် အထူးခြားဆုံး အခမ်းနားဆုံးကျင်းပကြတဲ့ ပွဲတော်ကိုပြောပါဆိုလျှင် လတန်ခူးချိန်ခါတွင် ကျင်းပပြုလုပ်တဲ့ သင်္ကြန်ပွဲတော်အကြောင်းကို ပြောပြရပါလိမ့်မည်။
“ဟောင်းရွက်ညှာ ခါလှစ်လို့
တာသစ်ကယ်တဲ့ နံ့ကြိုင်။
ထုတ်ဖြူးလေဆော်က၊
ပန်းကံ့ကော် ၀တ်မှုန်ကျင်း၊
သင်းပျံ့လို့လှိုင်။”
ဟူ၍စပ်ဆိုခဲ့သော ဖိုးသူတော်ဦးမင်းရဲ့တန်းခူးလဘွဲ့ အရ လတန်းခူးတွင် ကံ့ကော်ပန်းများလည်းပွင့်လန်းလျက်ရှိနေကြပြီး၊ တစ်နှစ်တွင် တစ်ခါဖူးတဲ့ မြဖူးဖူးခိုင်ရွှေဝါပိတောက်များလည်း ပင်ယံထက်တွင် အပြိုင်အဆိုင်လှနေကြတဲ့အချိန်အခါသမယလည်းဖြစ်ပါတယ်။ ပိတောက်ပန်းအလှကိုတွေ့မြင်တိုင်း ငယ်စဉ်ဘ၀ကိုပြန်တွေးပြီးလွမ်းမောမဆုံးဖြစ်ရသည်မှာ အကြိမ်ကြိမ်ပင်. ပိတောက်ရေစင်နှင့်ဖြန်းပက်ခံရသူအဖို့မှာလည်း စိတ်ကြည်နူးဖို့ကောင်းလှမည်မှာ ဧကန်မလွဲပါ။
သင်္ကြန်ပွဲတော်သဘင်နဲ့ပတ်သက်ပြီး သင်္ကြန်အဓိပ္ပာယ်လေးကိုမှတ်သားမိသလောက်
ပြောပြချင်မိပါသည်.။ သင်္ကြန်၊ဆောင်ကရန်ဆိုသောစကားလုံးဟာ သက္ကတဘာသာစကား သင်္ကန္တမှဆင်းသက်လာပြီးကူးပြောင်းခြင်း၊ တစ်နေရာမှတစ်နေရာသို့ရောက်ရှိခြင်းဟုအဓိပ္ပာယ်ရသည်။ မြန်မာသုံးပြက္ခဒိန်ကောဇာသက္ကရာဇ်အရ ၁၃၇၀ပြည့်နှစ်မှ ၁၃၇၁ခုနှစ်သို့ကူးပြောင်းခြင်းလည်းဖြစ်ပါသည်။ သင်္ကြန်ပွဲသည် ဟိန္ဒူဓလေ့ထုံးတမ်းတို့မှ ဆင်းသက်လာခြင်းသာဖြစ်သည်ဟုမှတ်ယူရပါမည်၊အဘယ်ကြောင့်ဆိုသော် ဘုရားဟော ပိဋကတ်တော်၌ သင်္ကြန်တက်ခြင်း၊ ကျခြင်းအကြောင်းများမပါရှိသောကြောင့်ဖြစ်ပါသည်.။မြန်မာတို့၏ သင်္ကြန်ရိုးရာဓလေ့များသည် ထိုင်း၊ ကမ္ဘောဒီးယား၊ လာအိုနိုင်ငံများနှင့်များစွာတူညီသည်။
သို့ပေမဲ့ နှစ်သစ်ကူးရက်ကိုရွေးချယ်ရာတွင် နက္ခတ်၊ တာရာတို့၏ တည်နေပုံအပြောင်းအလဲကိုအခြေခံသောတွက်နည်းဖြင့် တွက်ချက်ကြ၍ ရက်များပြောင်းလွဲသွားကြခြင်းသာဖြစ်ပါသည်။
တစ်နှစ်အတွင်း တန်ခူးလနှစ်ခါပါတက်ရာ နှစ်မဆန်းမီ တန်ခူးလကို နှောင်းတန်ခူးဟုခေါ်ကြသည်။ အတာသင်္ကြန်တစ်ကြိမ်မှ နောက်တစ်ကြိမ်ကာလသည် တစ်နှစ်အပိုင်းအခြားဖြစ်သည်ဟု သတ်မှတ်နိုင်ပါသည်။
ကျွန်တော်တို့မြန်မာနိုင်ငံတွင် သင်္ကြန်ကာလတွင် သိကြားမင်းက လူ့ပြည်ဆင်းလေ့ရှိသည်ဟူသောအယူလည်းရှိပါသည်။
မြန်မာလူမျိုးများသည် သင်္ကြန်ကာလရောက်တော့မည်ဆိုရင် သင်္ကြန်ပန်းအိုးများကို နေအိမ်များ ၊ဘုရား ကျောင်းကန်များတွင် ကပ်လှူပူဇော်သော အလေ့အထများပြုလုပ်ကြပါသည်။ မြန်မာသင်္ကြန်တွင် သက်ကြီးဝါကြီးများကို ခေါင်းလျှော်ပေးခြင်း၊ ခြေသည်း၊ လက်သည်းလှီးပေးခြင်းတို့ကို ဓလေ့တစ်ရပ်အဖြစ်ဆောင်ရွက်ကြသည်။ သင်္ကြန်မတိုင်မီ ရှင်ပြု၊ရဟန်းခံသည့်ဓလေ့မှာလည်းကြည်နူး နှစ်သက်စရာကောင်းသောယနေ့တိုင်တည်နေတဲ့ မြန်မာဓလေ့များပင်ဖြစ်ပါသည်။
သပြေခက်နှင့် ရေပက်ခဲ့ကြသည်မှာ မြန်မာလူမျိုးတို့ရဲ့ ဓလေ့ထုံးစံဖြစ်ခဲ့သော်လည်း ယနေ့ခေတ်တွင်တော့ ရေပိုက်၊ ရေခွက်တို့ဖြင့်ရေပက်ကြသူတွေသာများပါသည်။ခေတ်ကာလအပြောင်းအလဲအရ သင်္ကြန်ရိုးရာဓလေ့များပြောင်းလဲသွားကြသော်လည်း မှုလရိုးရာမပျက်ကျန်ရှိနေသေးသည့် သင်္ကြန်၏ အနှစ်သာရ သင်္ကတေများကို ထိန်းသိမ်းထားနိုင်ဆဲဖြစ်ပါသည်.။နှစ်သစ်ကူးပြောင်းပွဲတော်မှာ ခေတ်အပြောင်းကြောင့်ပျော်ရွှင်မှုပုံစံတွေပြောင်းလာခဲ့ပေမဲ့လည်း ချစ်စရာ့ဓလေ့တို့ကတော့ယနေ့တိုင်ရှိနေဆဲပင်ဖြစ်ပါသည်။ ထို့အပြင် မြန်မာလူမျိုးတို့သည် နှစ်သစ်ကူးကာလတွင် ရုံးများ၊ အလုပ်များကို ရက်ရှည်ခွင့်ပေးခြင်းများကို တွေ့ရသည့်အတွက်
သင်္ကြန်ပွဲတော်အပေါ် မည်မျှတန်ဖိုးထားအလေးထားကြောင်းကိုမြင်တွေ့နိုင်ပါသည်။
ခွင့်ရက်ရှည်ကာလတွင်လည်း မြန်မာပြည့်အနှံ့ ဘုရားဖူးခြင်းများ၊ တရားစခန်းဝင်ခြင်းများ၊
ဥပုပ်သီလ ဆောက်တည်ခြင်းစသောကုသိုလ်ဘာဝနာ ပြုလုပ်ကြသူတွေလည်းရှိပါသည်။
လောဘ၊ ဒေါသ၊ မောဟတည်းဟူသော နှစ်ဟောင်းက အညစ်အကြေးများစွန့်လျှက်
နှစ်သစ်တွင် စိတ်သစ်လူသစ်ဖြင့် ဘာသာတရားလက်ကိုင်ထားလျှက် ကုသိုလ်ယူနေကြပုံမှာ မြန်မာလူမျိုးတို့၏ ရူမငြီးနိုင်သော အလှတရားများပင်ဖြစ်ချေပါတော့သည်.။
အဝေးရောက်နေကြပေမဲ့လည်း သင်္ကြန်တေးသံ ၊ ပိတောက်ပန်းအလှကိုမြင်ရသူတိုင်း
ငယ်စဉ်ကပျော်ရွှင်မြူးခဲ့ကြတဲ့ အတာရေသဘင်ပွဲတော်ကို သတိရ မိကြပါလိမ့်မည်။
သင်္ကြန်မိုးလေး တစ်ဖြောက် နှစ်ဖြောက်ကျအပြီးမှာ ပွင့်ဖူးလာကြမဲ့ ပိတောက်ပန်းအလှကို
အာရုံခံစား စိတ်ကူးယဉ်ရသည်မှာလည်းအခါခါပင်ဖြစ်ပါသည်။ သင်္ကြန်နဲ့ပတ်သက်ပြီးစိတ်ကူးရမိလို့ ကဗျာလေးတစ်ပုဒ်ကို သင်္ကြန်မတိုင်မှီက စပ်မိခဲ့ပါသည်..
ကဗျာလေးကတော့ …
“မမေ့နိုင် တမ်းတခြင်းတွေနဲ့
ယနေ့တိုင် အာရုံတွင်၊
ငယ်စဉ်ခါပျော်ခဲ့ဖူး
အသွင်ထူးတဲ့ သင်္ကြန်ပွဲတော်မို့၊
နှစ်စဉ်လေ ဒီအချိန်ရောက်ရင်
ကြင်ဖော်သူ
ဆွေသူတစ်ယောက်ကိုလ
လွမ်းရမဆုံး။။”
ဆိုပြီး သင်္ကြန်ရဲ့ပျော်စရာကောင်းပုံ၊ အမှတ်တရဖြစ်ပုံကိုတမ်းတပြီးရေးစပ်မိခဲ့ပါတော့သည်။
ကျွန်တော်အနေနှင့်နောက်ဆုံး ပြောချင်မိသည်က (၁၃၇၀)ပြည့်နှစ်သစ်ကူးသင်္ကြန်ကာလတွင် စိတ်လက် ပျော်ရွှင်စွာဖြင့် မြန်မာရိုးရာယဉ်ကျေးမှုမပျက်စေဘဲ ဆင်နွှဲနိုင်ကြစေဖို့
နှင့် အတာသင်္ကြန်ကာလအတွင်း ကုသိုလ်ဘာဝနာ ပြုသူများအနေဖြင့်လည်း နှစ်တစ်နှစ်ကူးအပြောင်း အနိစ္စသဘောတရားများကို သတိသွင်းဆင်ခြင်လျှက်၊ နောင်သံသရာအတွက် အထောက်အပံ့ကောင်းများရအောင် ကျင့်ကြံသွားနိုင်၊ ကုသိုလ်ပြုနိုင်
သူများဖြစ်နိုင်ကြပါစေလို့ ထပ်လောင်းဆုမွန်တောင်းဆုပြုရင်း(၁၃၇၀)ပြည့်နှစ်သစ်ကူး သင်္ကြန်ပွဲတော်အတွက် အမှတ်တရရေးသားမိပါတော့သည်။
ငြိမ်းအေးထွန်း
